Bhrics is Born

Dahil masaya ako sa mga nakaraang araw, kaya naisipan ko na naman magsulat, at syempre, hindi lang ordinaryong saya. Dahil ito na, ito na ang umpisa ng panibagong yugto ng buhay ko. teka ano nga bang yugto ang sinasabi ko? daming intro, Ito talaga yun eh. Pero may idea ka ba kung anong gusto kong ikwento? wala pa? Sige na nga ikukwento ko lang naman ang dahilan ng aking kasiyahan, meron lang naman akong isang officemate na babae, nung una wala lang, tamang Hi, Hello, Sir, Ma'am, ganon mga tawagan namin, yung tipong pang pro, kasi nga nasa office kami. Nagkakasama kami bilang officemate. A time past, nalaman na namin cellphone number ng isa't-isa, pero parang wala parin, for work related purposes lang. Hanggang dumaan ang mga ilang buwan, dahil lagi na kaming magkatext, kaya ayon, naging close na kami, nagkukwentuhan sa text, nagbibiruan. Pero hanggang biro lang kahit pareho naman kaming single that time, Kahit tinutukso pa kami ng iba naming mga officemate, No malice.

Madalas kaming nagkakasama lalo na kapag lumalabas kaming magkakawork, bonding time, inuman with live band, sayawan sa Padis Point, Office Activities (Fun Run) etc.

May time pa na naging magkumare at kumpare pa kami dahil pareho kaming naging Ninong at Ninang sa binyag ng anak ng isa naming officemate. Ang di ko alam, yung isa pala namin officemate na Engineer, may gusto na sa kanya at nalaman ko na lang na sila na. Pero syempre hindi naman ako affected dahil wala pa naman talaga kaming feelings pareho non.Yung time din na yun, meron na kung nililigawan na kababayan ko at naging kami din thru text. Pero hindi nagwork dahil nasa province sya nag-stay at ako naman eh sa Manila, isa ring dahilan is parang hindi din naman ako serious non dahil di naman kami laging nagkikita.

Lumipas na naman ang ilang buwan at isang taon, tuluyan na kaming nagbreak ng gf ko, at ganon din naman, umalis na para mag-abroad yung bf ng officemate ko na naging dahilan na rin ng breakup nila. Madalas parin kaming magkasama sa gimikan, at balik na naman sa biruan. At ito na, unti-unti ko na syang nakikilala ng totoo at parang nahuhulog na ang loob ko sa kanya. Until dumating yung time, nililigawan ko na sya kahit pabiro, pero hindi naman umobra agad, hehe.. hard to get ang lola. Pero may isa pa kaming officemate na girl na na-link din sakin, (gwapo.. haha) Lagi kaming nagbibiruan at may time na nagalit pa sakin si mare, dahil lagi kaming magkausap sa cp ng bagong officemate namin. Kaya naman tinigilan ko din muna ang pagtetext. Dahil don, nafeel ko na nagseselos sya (ayos) Kaya naman tinuloy ko na ang panliligaw ko sa kanya.

Dahil magkumare at kumpare kami sa binyag, naging tawagan namin non ang PRE, hanggang dumating ang isang araw, yun na, yun na talaga, at yun na nga, mark the calendar na, July 23, 2012, sinabi nya sakin, "Oo na Pre, tayo na officially, magkasama natin haharapin ang buhay, ng hawak kamay" yun ang mga salita na naging simula ng panibago, at sana forever na. dahil kilala na namin ang isa't-isa bago pa man maging official ang aming relasyon. 

Ito na nga, first picture together, since maging official ang aming relationship, wishing more pictures to come.